Tasa sobre les transaiciones financieres

Una tasa sobre les transaiciones financieres ye un impuestu aplicáu a un tipu específicu de transaiciones monetaries pa un propósitu particular. El conceutu foi comúnmente acomuñáu col sector financieru. Nun suel considerase dientro d'esti tipu de tases a aquelles referíes a los impuestu al consumu impuestos al consumu pagos polos consumidores.^[1]

Una tasa sobre les transaiciones nun ye un impuestu sobre una institución financiera per se. Al contrariu, cárgase solu sobre la específica transaición designada como imponible. De cuenta que si una institución nunca lleva a cabu esti tipu de transaición, nunca va tar suxeta a esti tipu impositivu.^[2] Más allá, si una institución lleva a cabu solo esi tipu de transaición, entós solo va pagar impuestos por esi tipu de transaición. Asina, esti impuestu nun ye nin una tasa a l'actividá financiera nin un "impuestu bancariu","^[3] por casu. Esta clarificación ye relevante en rellación al alderique sobre l'usu d'una tasa sobre les transaiciones financieres como ferramienta pa desincentivar la especulación escesiva ensin desincentivar cualesquier otra actividá (tal que John Maynard Keynes orixinalmente previo en 1936).^[4]

1. ↑ Cola esceición, quiciabes, de los impuestos a les transaiciones bancaries qu'imponen sobre les transaiciones nuna cuenta bancaria
2. ↑ Esti exemplu ye atribuyíu a la lleición pública del economista Rodney Schmidt, The North-South Institute, 20 de juno de 2010, nel "People's Summit" lleváu a cabu na Universidá de Ryerson, Toronto, Canada
3. ↑ The Canadian Press (24 de juno de 2010). «Flaherty says global bank tax a distraction for G20». CTV news via The Canadian Press. Consultáu'l 1 d'agostu de 2012.
4. ↑ Dr. Stephen Spratt of Intelligence Capital (setiembre de 2006). «A Sterling Solution». Stamp Out Poverty report páxs. 15–16. Stamp Out Poverty Campaign. Consultáu'l 1 d'agostu de 2012.